Լոլիկը՝ բնական միջոց ընկճախտի դեմ

70 տարեկանից բարձր 1000 մարդկանց մասնակցությամբ իրականացված հետազոտությունը ցույց է տվել, որ շաբաթական մի քանի անգամ լոլիկ ուտելը նվազեցնում է ընկճախտի հավանականությունը, գրում է The Daily Mail-ը:

Տյանցզինի բժշկական համալսարանից չին և ճապոնիացի գիտնականները  խորհուրդ են տալիս շաբաթական 2-6 անգամ լոլիկ օգտագործել: Սնվելու նման գրաֆիկ ունեցողների մոտ 46%-ով ավելի քիչ են հայտնաբերվում դեպրեսիայի ախտանիշները:

Վիճակագրությունը ցույց է տալիս, որ մարդկանց առվազն 20%-ը իրենց կյանքի ընթացքում գոնե մեկ անգամ հայտնվում է ընկճախտի մեջ: Ավելի հաճախ այն հանդիպում է կանանց և տարեցների մոտ: Պոմիդորի բաղադրության մեջ կան շատ անտիօքսիդներ, լիկոպեն, որը նվազեցնում է շագանակագեղձի քաղցկեղով հիվանդանալու և սրտի կաթված ստանալու հավանականությունը:

Հարցեր, պատասխաններ, մեկնաբանություններ